مراحل استرجاع الهواتف المسروقه

موضو ع السرقه انتشر في مصر بطريقه فظيعه جدا سواء واحد ماشي بموتوسيكل ينتشوا من ايدك او سرقته من الجيب او ايا كانت نوع السرقه
نخش في الموضوع

بص مبدأيا كده لازم تتعب حتا لو الموبايل ب الف جنيه او اقل متتنازلش عن حقك لانه الحرامي زي ما سرقك هيسرق غيرك فامتسبش حقك واعمل الي عليك..
نخش في الموضوع كده ترتيبيا

1- هتعمل محضر سرقة بسرقة الموبايل و هتاخد الرقم اللي علي العلبة هتصورو و حطو مع المحضر دا اهم حاجه
(الي هي عند رقم السيريال Imei)
2- المحضر هيروح النيابة و بعدها بفترة تاخد رقم الصادر من القسم
3- تروح بيه النيابة و تسال امين الشرطة اللي ف ستيفا النيابة المحضر وصل لحد فين؟
لحد مايعملو تتبع ليه على ال 4 شركات الي هم فودافون و اتصلات و اورنج و we
و يعرفوا الخط اللي شغال فيه ايه و هتاخدو من أمين الشرطة

و تكلمو تقولو هاتوا و هتنازل في حالة انوا قلك لا وهات إلي عندك مشيها قانوني وهيتجاب هيتجاب عشان ده حرامي ويستاهل كل الي يحصله
وياريت يا جماعه لو حد مسروق منوا موبايله ميكسلش بالله عليكم لازم تتعب ومتسبش حقك بسهوله كده ديه فلوسك وحاجتك مهما ان كانت اوعي تسيبها
------------------------------------------------------------
طريقة تانيه عن طريق جوجل هي انك لو الموبايل شغال وفيه داتا تفتح جوجل وتكتب find my phone وتحط البريد الي كان متسجل بيه الفون وتجرب لو شغال وفيه نت والخط محطوط هيجبلك المكان بتاعه علي طول وبالتوفيق
في النهاية
يارب اكون سبب في مساعدة حد انه يرجع الموبايل مش طالب منكم غير SHARE لان في ناس كتير محتاجه تفهم